फडणवीस मुख्यमंत्री एकनाथ शिंदे यांच्या भेटीला, थोड्याच वेळात मोठा निर्णय...

महाराष्ट्र,मुंबई : मुख्यमंत्री एकनाथ शिंदे यांच्या भेटीसाठी देवेंद्र फडणवीस हे वर्षा या त्यांच्या निवासस्थानी पोहोचले आहेत. फडणवीस यांच्या मंत्रिमंडळात ते सहभागी होणार की नाही याबाबतचा निर्णय संध्याकाळी घेईल असं शिंदे म्हणाले होते. त्यामुळे आता शिंदे हे काय निर्णय घेतात याकडे सगळ्यांचं लक्ष लागलं आहे.

राज्याचे होणारे नवे मुख्यमंत्री देवेंद्र फडणवीस काळजीवाहू मुख्यमंत्री एकनाथ शिंदे यांच्या भेटीसाठी वर्षा बंगल्यावर पोहोचले आहेत. देवेंद्र फडणवीस यांच्या सरकारमध्ये ते सहभागी होणार की नाहीत याबाबत सस्पेंस आहे. एकनाथ शिंदे हे उपमुख्यमंत्री होणार की नाहीत याचा निर्णय थोड्याच वेळात होणार आहे. एकनाथ शिंदे यांनी आपल्या आमदारांसोबत बैठक घेतली. मंत्रीमंडळातील सहभागाबाबत संध्याकाळीपर्यंत निर्णय घेऊ असं शिंदे म्हणाले होते. त्यानंतर आता फडणवीस एकनाथ शिंदे यांच्या घरी पोहोचले आहेत.

एकनाथ शिंदे यांना गृह खाते मिळावे म्हणून शिवसेनेची मागणी आहे. पण भाजप हे खातं सोडण्यास तयार नाहीत. आता एकनाथ शिंदे काय निर्णय घेतात याकडे सगळ्यांचं लक्ष लागलं आहे. देवेंद्र फडणवीस हे उपमुख्यंत्री असताना त्यांना गृहखाते आपल्याकडे ठेवले होते. त्यामुळे आता शिंदे हे उपमुख्यमंत्री होत असल्याने त्यांना देखील हे खातं मिळावं अशी शिवसेनेची मागणी आहे.

महायुतीचा मुख्यमंत्री आणि उपमुख्यमंत्री ठरला असला तरी खातेवाटप अजून झालेले नाही. आता फडणवीस हे शिंदे यांच्या भेटीसाठी पोहोचले आहेत. त्यामुळे या दोघांमध्ये चर्चा होण्याची शक्यता आहे.