भाजपला मस्ती आलीय…दोन आमदार पळवल्याने महादेव जानकर यांचं तांडव...

महाराष्ट्र,पुणे : आता तुम्ही म्हणाल हा काय प्रकार आहे? महादेव जानकर यांनी अचानक असा यूटर्न कसा घेतला? भाजपाच्या गळ्यातील ताईत असलेले जानकर अचानक मित्रावरच कसे काय भडकले? त्यांनी थेट भाजपाची मस्तीच काढली आहे. दोन आमदार पळवण्याचे हे प्रकरण आहे तरी काय?

राष्ट्रीय समाज पक्षाचे अध्यक्ष महादेव जानकर यांची चूल सध्या महायुतीच्या वाड्यात आहे. महायुतीने लोकसभेला अजितदादांच्या राष्ट्रवादीच्या कोट्यातून त्यांना परभणीची जागा सोडली होती. पण आता त्यांनी अचानक 360 डिग्री वळसा घेत भाजपावरच टीकास्त्र सोडले आहे. महाराष्ट्र विधानसभा निवडणुकीच्या तोंडावर महादेव जानकर यांनी अचानक असा यूटर्न कसा घेतला? भाजपाच्या गळ्यातील ताईत असलेले जानकर अचानक मित्रावरच कसे काय भडकले? त्यांनी थेट भाजपाची मस्तीच काढली आहे. दोन आमदार पळवण्याचे हे प्रकरण आहे तरी काय?

मी स्वत:च्या चिन्हावर लढलो

बारामती मतदारसंघातील काटेवाडी कण्हेरी येथे त्यांचे भाषण चांगलेच गाजले. त्यांनी मित्रपक्षाला फटकावलेच पण पवारांच्या घराणेशाहीवर पण चिमटे काढले. बारामती मला नवीन नाही मी बारामतीला यासाठी आलो आहे मी खासदारकीचा पडीक उमेदवार आहे पाच वेळा मी खासदारकी लढवली आहे आमदारकी कधीच लढवली नाही, महाराष्ट्रात 288 जागा उभा केल्या. कार्यकर्ते म्हणायला लागले ही ती करायची नाही. मी खासदार मंत्री झालो ते आपल्या चिन्हावर झालो मी दुसऱ्यांच्या चिन्हावर झालो नाही. मी जर घोटाळा केला असता चोऱ्या केल्या असत्या तर माझ्याही मागे ईडी लावली असती मला म्हणले असते तुम्हाला आमच्याबरोबर राहावं लागेल नाहीतर तो आत तुरुंगात टाकू, असे जोरदार भाषण त्यांनी केले.

मी माझा स्वाभिमान जपला

काहीजण म्हणायचे महादेव जानकर असं काही खरं नाही पण महादेव जानकर बोलतो सांगतो तो पाळतो. मी चाळीस वर्षांपूर्वी सांगीतलं होतं एक दिवस पंतप्रधान होईल मी आज माझी कॅबिनेट मिनिस्टर म्हणून तुमच्याकडे भाषण करत आहे तोही मा‍झ्या पक्षातून करत आहे. त्यांनी एकनाथ शिंदे देवेंद्र फडणवीस आणि अजित पवार यांना विचारलं. आम्हाला बोलवलं नाही जेवायला तर जायचं कशाला आम्ही स्वाभिमानी माणस आहोत, असे जानकर म्हणाले.

भाजपावर तिखट प्रतिक्रिया

भाजपाची मस्ती वाढली आहे. त्यांनी काय केलं शिवसेना फोडली. राष्ट्रवादी फोडली. कुठला माणूस कुठ ठेवाला नाही. आमचे एक दोन आमदार होते ते आमदार पण आमचे पळवले. आमचा आमदार निवडून येतो आमच्या पक्षावर आणि तुम्ही भाजप बरोबर घेऊन जाता, असा खरमरीत सवाल त्यांनी केला. आपल्याच मित्रपक्षाला जानकरांनी खरी-खोटी सुनावली. तर देवकाते आणि कोकरे लक्षात ठेवा तुम्हाला फक्त महादेव जानकरच आमदार करू शकतो, असा दावा केला.