वरातीत सगळे नाचत होते, जल्लोषात वडिलांकडून फायरिंग, मुलालाच लागली गोळी अन...

बिहार : बिहारमधील सहरसा येथे लग्नाच्या वरातीत सगळे नाचत होते. आनंदाच्या भरात एका डॉक्टरने गोळीबार केला, मात्र ती गोळी त्यांच्या मुलालाच लागली आणि एकच कल्लोळ माजला. पुढे काय झालं ?

लग्नाची वरात, बँड बाजा, गाण्याच्या ठेक्यावर सगळे जल्लोषात नाचत असतात. पण बऱ्याचदा लग्नाच्या वरातीत काही जणांकडून गोळीबारही केला जातो, आणि होत्याचं नव्हतं होऊ शकतं. बिहारच्या सहरसामध्येही असंच काहीस घडलं. लग्नाच्या वरातीत, जल्लोषात नाचताना अचानक गोळीबार झाला आणि एका क्षणात गदारोल माजला. नेमकं काय झालं ?

बिहारमधील सहरसा येथेही आनंदोत्सवानिमित्त गोळीबार झाल्याची घटना घडली. तेथे लग्नाच्या मिरवणुकीदरम्यान, एका डॉक्टरने आनंदोत्सवात गोळीबार केला. मात्र डॉक्टरांनी झाडलेली गोळी त्यांच्याच मुलाला गोळी लागली. यानंतर, उत्सवाच्या वातावरणात गोंधळ उडाला.

ही संपूर्ण घटना बुधवारी रात्री शहरातील गंगजळा चौकातील एका खाजगी रिसॉर्टमध्ये घडली. गोळीने जखमी झालेल्या तरुणाला तातडीने उपचारासाठी रुग्णालयात नेण्यात आले, परंतु त्याच्या कुटुंबीयांनी त्याला दाखल केले नाही. त्यांनी त्या तरुणाला हॉस्पिटलमध्ये दाखल न करताच ते त्याला घेऊन गेले. लग्नाला आलेल्या लोकांनी सांगितले की हे औषध व्यवसायाशी संबंधित असलेल्या व्यक्तीचे लग्न होते. लग्नाची मिरवणूक सुपौलहून आली होती. लग्नाला अनेक डॉक्टर आले होते.

पोलिसांना कळवलंदेखील नाही

लग्नाच्या मिरवणुकीत आलेल्या एका डॉक्टरने आनंदोत्सव साजरा करण्यासाठी, जल्लोषात गोळीबार केला असं उपस्थित लोकांपैकी काहींनी सांगितलं. मात्र चुकून ती गोळी डॉक्टरच्या मुलाला लागली. लग्नासाठी वर आणि वधूच्या, दोन्ही बाजूंनी मोठ्या संख्येने डॉक्टर उपस्थित होते. गोळीबाराच्या घटनेनंतर लग्न समारंभात गोंधळ उडाला. लग्नाच्या मिरवणुकीत जल्लोषादरम्यान गोळीबार झाल्याचे रिसॉर्ट संचालकानेही मान्य केलं. मात्र, धक्कादायक गोष्ट म्हणजेकोणीही पोलिसांना याबद्दल माहिती दिलीच नाही.

गोळीबाराची चौकशी सुरू

दरम्यान पोलिस या प्रकरणाची माहिती गोळा करत आहेत, असे सदर पोलिस ठाण्याचे प्रभारी सुबोध कुमार म्हणाले. रिसॉर्ट मालकाने किंवा जखमी तरुणाने उत्सवादरम्यान झालेल्या गोळीबाराबद्दल कोणतीही माहिती दिलेली नाही. बिहारमधील लग्न समारंभात होणाऱ्या गोळीबाराबद्दल पोलिसांनी कडक भूमिका घेतली आहे. शस्त्रे जप्त केली जात आहेत आणि परवानेही रद्द केले जात आहेत. पण त्यानंतरही लग्नाच्या मिरवणुकीत अशा घटना घडणं थांबत नाहीत.